SOMO JUU YA FEDHA /SHEKELI (SEHEMU YA 33)

Somo Juu Ya Fedha/Shekeli Sehemu Ya 33

Habari za leo mfuatiliaji wangu wa makala zangu za kila siku.

Bado tunaendelea na somo letu pendwa juu ya fedha/shekeli

Leo tunakwenda kujifunza umuhimu wa mizania katika mafanikio.

Tumejifunza mengi kuhusiana na masuala ya fedha na sasa ni muhimu tukajua umuhimu wa mizania katika mafanikio.

Kikubwa ninachotaka kukufahamisha leo ni kuwa mafanikio sahihi ni lazima yawe yametokana na uwekezaji wa kiroho na uwekezaji halisia unaoweza onekana kwa macho ya nyama.

Ni ujinga kujikita kwenye mambo ya kiroho 100% ikiwa ni pamoja na utoaji wa fungu la kumi kwa uaminifu ati kwa kuwa imeandikwa utabarikiwa kwa kuwa mwaminifu na kubaki umekaa na kusubiria baraka zimwagike. UTASUBIRI SANA na ndipo utaanza kujiuliza na kuona kama Mungu amekuacha.

Hivi unawezaje mfano kuwa mwaminifu wa fungu la kumi na kushindwa kuwa mwaminifu wa kuwekeza 10% kwa uaminifu kama ilivyo kwa fungu la kumi na ukafuata kanuni zote za kufanikisha, na uone kama Mungu hatakufanikisha.

Shida kubwa ni kwamba wakristo wengi wamefikiria mafanikio ni aoutomatic yaani yatajijia tu maadamu uaminifu kwa Mungu atauzingatia. Mbona ingekuwa hivyo watu wangekimbilia wokovu maana wokovu ungelikuwa ni kichaka cha kuficha wavivu na wazembe wasiozingatia kanuni za kufuata na kusababisha mambo kutokea.

Lakini pia ni mbaya zaidi ukifanikiwa pasipo kuwa na uaminifu kwa Mungu au kwa lugha nyingine wewe ukajibidisha kufuata kanuni zote za kiuchumi kukufikisha kwenye mafanikio na huku ukiwa huna mahusiano mazuri na Mungu. Utaishi na ‘mafanikio’ lakini utakuwa huna furaha, si ajabu kama umeoa hata ndoa yumkini itakuwa kwenye matatizo na mambo kadha wa kadha maana shetani itakuwa rahisi kufanya makao kwako na kukuletea kadhia mbalimbali kama ilivyo kawaida yake. Mungu atusaidie.

Utaona kwa hakika ya kuwa, kuegemea sehemu moja na kuacha nyingine ni shida. Lazima mambo yabalance yaani kuwa mwaminifu kwa Mungu na vivyo hivyo mwaminifu kwa utekelezaji wa yale yakupasayo kuyafanya na ndipo utaona uzuri wa kumjua Mungu.

.

Acha kwa leo niishie hapa tutaendeleza somo hili katika Makala ijayo. Usikose kunifuatilia katika Makala zinazofuata.

Karakana ya ubongo tunatengeneza ubongo wako

Kwa wasioijua karakana ya ubongo ni watu waliojikusanya pamoja katika kundi la watsapp kwa lengo la kuondoa takataka kwenye ufahamu na kuanza kujifunza pamoja na kukutana angalau mara moja kwa mwezi ili kuwa chachu ndani na nje ya nchi.

Ili kujiunga yakupasa kuwasiliana nami ili kuweza kukufanyia udahili kama unavigezo vya kuwa mmoja wa wanakarakana ya ubongo.

Na kwa sasa tuna kitabu maarufu kiitwacho ‘KOPE ZAKO BAHARI YAKO’ na kama wewe ni mmoja ya wanaojipenda hiki kitabu si cha kukosa. Tuwasiliane na kuona jinsi ya kukipata.

Seth Simon Mwakitalu

Senior Auditor, Entrepreneurship Consultant, Coach and Lifestyle Trainer.

Tel:- +255 754 441325; +255 788 493836

Email: ssmwakitalu2013@gmail.com

Websites:www.karakanayaubongo.blogspot.com;

Instagram: karakana_ya_ubongo

Facebook: https://www.facebook.com/karakana-YA-Ubongo-109000130642880/?referr=whatsapp

You tube: karakanayaubongo

                

We empower people:-

1. Achieve life and Career goals through part-time business venture.

2. Acquire life changing business skills.

3. Prepare for retirement.